Bu günlərdə Özbəkistan Respublikasının Buxara şəhərində “20th Respublican scientific and practical conference current issues in the organization of emergency medical care: Achievements, challanges and development prospects” beynəlxalq elmi-praktik konfransı keçirilmişdir. Tədbirdə 8 ölkədən 40-dan çox məruzəçi çıxış etmişdir. Çıxışlarda Azırbaycan, Türkiyə, Qazaxıstan, Qırğızıstan, Özbəkistan və digər türk dünyası ölkələrindən olan mütəxəssislərin marağına səbəb olan cari məlumatlar, klinik müşahidələr və tədqiqat nəticələri təqdim olunmuşdur.
Bu konqresdə Ə.Əliyev adına Azərbaycan Dövlət Həkimləri Təkmilləşdirmə İnstitutunun anesteziologiya reanimatologiya kafedrasının əməkdaşları fəal iştirak etmişlər. Beləki, kafedranın dosenti Vüqar Abdülkərimov “Reanimasiyada sempatik bloklar (klinik yaxınlaşma və yeniliklər)”, kafedranın assistenti Yeganə Abbasova “Azərbaycanda orqan donorluğu və transplantasiyasının hüquqi bazası” mövzusunda məruzələr ilə çıxış etmişlər. Eyni zamanda kafedranın müdiri dosent Elxan Hacıyev sessiyada oturum rəhbəri olmuşdur. Məruzələr maraqla qarşılanmışdır.