17-18 oktyabr 2025-ci il tarixində Özbəkistanın paytaxtı Daşkənd şəhərində «Modern interdisciplinary approaches in dermatovenereological and aesthetic medicine” beynəlxalq elmi-praktik konfransı keçirilmişdir. Bu konfransda 17 olkədən 40-dan çox məruzəçi çixış etmişdir. Məruzələr dermatovenerologiya və dermatokosmetologiyanın ən aktual problemlərinə həsr olunmuşdular. Tədbirdə ABŞ, Böyük Britaniya, Almaniya, Danimarka, İspaniya, Tunis, Braziliya, Türkiyə, Azərbaycan, Cənubi Koreya, Çin, Hindistan və s. ölkələrdən 1100 iştirakçı var idi.
Bu konqresdə Ə.Əliyev adına Azərbaycan Dövlət Həkimləri Təkmilləşdirmə İnstitutunun dermatovenerologiya kafedrasının müdiri, Azərbaycan Dermatoveneroloqlar Assosiasiyasının prezidenti, t.e.d. Sənan Kərimov “Cовременные взгляды в понимании пустулезного псориаза” mövzusunda, kafedranın assistenti t.ü.f.d. Leyla Rzayeva isə “Генитальный склероатрофический лихен у женщин: an update” mövzusunda məruzələr ilə çıxış etmişlər. Eyni zamanda t.e.d. Sənan Kərimov paneldə moderator da olmuşdur.
Konfransın sonunda t.ü.f.d Leyla Rzayevaya Özbəkistan Dermatovenerologiya və Dermatokosmetologiya Assosiasiyasına fəxri üzvü sertifikatı təqdim edilmişdir.