Azərbaycanda tibbi yardım sisteminin təkmilləşdirilməsi prosesində tibb işçilərinin bilik və bacarıqlarının artırılması məqsədi ilə 2022-ci ildən Ə.Əliyev adına ADHTİ-nin müvafiq kafedralarında təşkil olunmuş Təməl həyat dəstəyi (Basic Life Support-BLS), Təkmil həyat dəstəyi (ALS) və Təkmil kardiovaskulyar həyat dəstəyi (ACLS) kursları ilə yanaşı EKQ kursları, Kiçik cərrahi əməliyyatlar, Tibbi tullantıların idarə olunması, Xəstəxana öncəsi travma həyat dəstəyi, Travmalarda təkmil həyat dəstəyi (ATLS), Mamalıqda təkmil həyat dəstəyim (AİSO), Neonatal reanimasiya proqramı (NRP), Təkmil pediatrik həyat dəstəyi (PALS), İnfeksion nəzarət, Mikrobioloji laborator müayinə üçün materiallarla iş, Disstres hallarda psixoloji dəstək, Fövqəladə halların idarə oluunması, Ailə həkiminin işinin təşkili, Laparoskopik cərrahiyyə üsulları, Spirometriya, Elektroensefaloqrafiya, Elektromioqrafiya kursları keçirilir. Kurslar öncədən təlimatlandırılmış institutun əməkdaşları tərəfindən aparılır. Həmin kurslarda standart alqoritmlərə uyğun böyüklər, uşaq və körpələrdə aparılan reanimasion tədbirlər, cihazlardan istifadə, metodika və manipulyasiyaların düzgün tətbiqinə dair geniş məlumatlar təqdim edilir, manekenlər üzərində əyani nümayiş olunur. Kursun sonunda praktiki məşğələlərdə müdavimlərə manekenlər üzərində sərbəst işləmək imkanı da yaradılır. Bu günə qədər kurslarda 520 nəfər müdavim və stajorlar iştirak ediblər.
Yeni 2025/2026-cı tədris ilində də bu praktikanın davam etdirilməsi nəzərdə tutulmuşdur. İnstitut kafedralarında ixtisasartırma kurslarında iştirak edən bütün müdavimlərə 1 günlük Təməl həyat dəstəyi kurslarının aparılması planlaşdırılmışdır. Tədris ilinin başlanğıcından artıq bir neçə belə kurs həyata keçirilmişdir. Kursların keçirilməsinin praktik səhiyyə mütəxəssislərinə faydalı olacağı şübhəsizdir.