Tibb və sağlamlıq təhsili proqramlarının müasir yanaşmalara uyğun, sistemli şəkildə hazırlanması və yenilənməsinə daim ehtiyac duyulur. Ona görə də tibb təhsili verən müəssisələrin təlimçilərinin də təkmilləşdirilməsi mütəmadi olmalıdır. Bu məqsədlə Azərbaycanda 2024-cü ildən “Tibb tədrisçilərin inkişafı proqramı” həyata keçirilir. Həmin proqram çərçivəsində Ə.Əliyev adına Azərbaycan Dövlət Həkimləri Təkmilləşdirmə İnstitutunun səhiyyənin təşkili və menecmenti, pedaqogika kursu ilə kafedrasında da “Tibb elmlərinin tədrisi” adlı kurs təşkil olunur.
Növbəti belə kurs 29.09.2025 - 10.10.2025-ci il tarixində baş tutmuşdur. Kursa institutun stomatologiya və üz-çənə cərrahiyyəsi, ailə təbabəti və ümumi cərrahiyyə kafedralarının müəllim heyəti cəlb edilmiş idi. Keçirilən kursda iştirakçılara tibbi tədris prosesində istifadə edilən müasir üsul və yanaşmalar, tədris planlarının hazırlanması və istifadə edilən vəsaitlər barədə geniş məlumatlar təqdim edilmişdir. Bununla yanaşı iştirakçıların təlim mövzularına dair əldə etdikləri bilik və bacarıqlarını praktiki məşğələlərdə nümayiş etdirməsi üçün hər birinin 15 dəqiqəlik videoçəkilişi də təşkil olunmuşdur. Kursun son günündə bu videoçəkilişlər nümayiş olunmuş, təlimçilərin və iştirakçıların rəylər və tövsiyələri səsləndirilmişdir.