28 aprel 2025-ci il tarixində Azərbaycan Respublikası Səhiyyə Nazirliyi, akademik Zərifə Əliyeva adına Milli Oftalmologiya Mərkəzi və Azərbaycan Oftalmoloqlar Cəmiyyətinin təşkilatçılığı ilə akademik Zərifə Əliyevanın anadan olmasının 102-ci ildönümünə həsr olunmuş beynəlxalq elmi-praktik konfrans keçirilmişdir. Konfransın açılış mərasimində Azərbaycan Oftalmoloqlar Cəmiyyətinin sədri, Akademik Zərifə Əliyeva adına Milli Oftalmologiya Mərkəzinin direktoru, Ə.Əliyev adına Azərbaycan Dövlət Həkimləri Təkmilləşmə İnstitutunun oftalmologiya kafedrasının müdiri professor Elmar Qasımov konfransı açıq elan edərək çıxış etmişdir.
Konfransda Rusiya, Türkiyə, İtaliya və Gürcüstandan olan tanınmış mütəxəssislərlə yanaşı Azərbaycan oftalmoloqları da elmi məruzələrlə çıxış edib, fikir mübadiləsi aparmışlar. Ə.Əliyev adına Azərbaycan Dövlət Həkimləri Təkmilləşmə İnstitutunun oftalmologiya kafedrasının əməkdaşları dosent Müşfiq Kərimov panel iclasının moderatoru olmuş, Lamiyə Həsənzadə isə “Böyük qayıdış” proqramı çərçivəsində işğaldan azad olunmuş torpaqlarda akademik Zərifə Əliyeva adına Milli Oftalmologiya Mərkəzinin səyyar klinikasının keçirdiyi oftalmoloji aksiyanın fəaliyyətinə dair” məruzə ilə çıxış etmişdir.