9-10 oktyabr 2024-cü il tarixində Avropa Radiologiya Məktəbinin (ESOR) dəstəyi ilə Azərbaycan Radioloqlar Cəmiyyətinin IV beynəlxalq elmi-praktiki konfransı keçirilmişdir. Tədbirdə yerli və xarici mütəxəsislər radiologiyanın aktual məsələlərinə həsr olunmuş təqdimatlarla çıxış etmişlər. Azərbaycan, Türkiyə, Belçika, İtaliya, Qazaxıstan və Özbəkistandan olan mütəxəssislər müxtəlif xəstəliklərə düzgün radioloji yanaşmanın vacibliyi vurğulayaraq müasir meyarlardan danışmışlar. 2 gün davam edən konfrans zamanı mütəxəsislərin bilik və bacarıqlarının təkmilləşdirilməsi məqsədilə xüsusi müzakirələr də təşkil olunmuş idi. Konfransda Ə.Əliyev adına Azərbaycan Dövlət Həkimləri Təkmilləşdirmə İnstitutunun şüa terapiyası kursu ilə şüa diaqnostikası kafedrasının müdiri dosent Arzu Nuriyeva panel moderatoru olmuşdur.