Əməkdaşımız Kopenhagen şəhərində EuroPerio10 beynəlxalq parodontologiya konfransında iştirak etmişdir

25.06.2022

15-18 iyun 2022-ci il tarixlərində Danimarkanın paytaxtı Kopenhagen şəhərində Avropa Parodontologiya Federasiyasının təşkilatcılığı ilə EuroPerio10 10-cu beynəlxalq parodontologiya konfransı keçirilmişdir. 100-dən çox ölkədən 7200-ə yaxın nümayəndənin iştirak etdiyi, 130-dan çox məruzəçisi və 41 sessiyadan ibarət elmi programı olan dünya nüfuzlu konfransında Ə.Əliyev adına Azərbaycan Dövlət Həkimləri Təkmilləşdirmə İnstitutunun stomatologiya və üz-çənə cərrahiyyəsi kafedrasının dosenti, Azərbaycan Parodontologiya Cəmiyyətinin prezidenti Cavid Əhmədbəyli iştirak etmişdir. Ə.Əliyev adına Azərbaycan Dövlət Həkimləri Təkmilləşdirmə İnstitutunun stomatologiya və üz-çənə cərrahiyyəsi kafedrasının və İstanbul Altınbaş Üniversitesinin parodontologiya kafedrası ilə birqə yerinə yetirilmiş “İmplant ətrafı toxumaların iltihabi xəstəliklərinin müalicəsində hialuron turşusu və xlorheksidin tərkibli antiseptik vasitələrin klinik və mikrobioloji qiymətləndirilməsi (Clinical and microbiological effects of hyaluronic acid and chlorhexidine mouthrinse in the treatment of peri-implant mucositis)” adlı tədqiqatın nəticələri Cavid Əhmədbəyli tərəfindən bu konfransda poster müzakirəsi şəklində təqdim olunmuşdur.




Hörmətli dostlar!
Azərbaycanın və keçmiş Sovet məkanının qocaman ali tibb təhsil müəssisələrindən biri olan institutun saytına xoş gəlmisiniz.

Bizim institut 80 ildir ki, milli səhiyyənin, ümumilikdə ali tibb təhsilinin inkişafını, həkimlərin ixtisaslaşma və təkmilləşdirməsini müvəffəqiyyətlə təmin edir. İnstitut həkimlərin tibb təhsilində biliklərinin yüksəlməsi, fundamental təbabətin yeni nailiyyətlərinə yiyələnməsi, kliniki təcrübəyə diaqnostikanın müasir üsullarını tətbiq etməsinə nail olmağı öz üzərinə vəzifə kimi götürür. Bunlar da XXI əsrdə inkişaf edən təbabət elminin ayrılmaz atributları sayılır. İnstitutun ilk rektorları professor V.A. Tarnoqradski, M.M. Əfəndiyev və B.A. Ağayev olmuşdur. İnstitutun dirçəlməsində akademik Əziz Əliyevin böyük rolu olmuşdur. Kollektivin vəsadəti ilə Nazirlər Kabinetinin qərarı əsasında 1962-ci ildən institut onun adını daşıyır. Bu müddətdə M. Məmmədov, M.X. Yaqubov, S.M. Qusman, İ.İ. Lukov, S.Q. Şteyn, N.M. İsrafilova, P.P. Popov, S.İ.Vəlixan və s. kimi Azərbaycan təbabətinin istedadlı, yüksək ixtisaslı həkim kollektivi formalaşmışdır.

Davamını oxu



ONLAYN JURNAL


"Tibb və Elm"
Əziz Əliyev adına elmi-praktiki jurnal.

Tibb sahəsinin bütün bölmələri üzrə orijinal məqalələr qəbul edilir.





Copyright © , Azərbaycan Respublikası Səhiyyə Nazirliyi
Əziz Əliyev adına Azərbaycan Dövlət Həkimləri Təkmilləşdirmə İnstitutu



Saytın hazırlanması: Proqres IPX