Əməkdaşlarımız Azərbaycan Radioloqlarının II-ci Elmi-Praktik Konfransında çıxış etdilər

16.05.2022

14 may 2022-ci il tarixində Dövlət Gömrük Komitəsinin Tibbi Xidmət İdarəsinin Elmi-Təcrübi və Tədris Mərkəzinin, Mərkəzi Gömrük Hospitalının və Azərbaycan Radioloqlar Cəmiyyətinin birgə təşkilatçılığı, eləcə də “Bayer” şirkətinin əməkdaşlığı ilə Azərbaycan Radioloqlarının II-ci Elmi-Praktik Konfransı həyata keçirildi. Konfransda 400-ədək iştirakçı distant, 50 nəfər mütəxəssis əyani iştirak etdi.Bu konfransda ölkə radioloqları ilə yanaşı Türkiyə Cümhuriyyətindən olan tanınmış mütəxəssislər də çıxış etmişdirlər.
Ə.Əliyev adına ADHTİ-nun şüa terapiyası kursu ilə şüa diaqnostikası kafedrasının əməkdaşları dosent Nuriyeva Arzu və mühazirəçi müəllimlər Alışev Nicat, Mirzəyev Aydın, Azər Fərəc konfransda apardıqları elmi-tədqiqat işlərinin nəticələrini təqdim etdilər. Alışev Nicatın “Dərin venoz tromboz: endovaskulyar müalicələr”, Mirzəyev Aydının “Dağınıq skleroz zamanı baş-beyinin maqnit rezonans tomoqrafik morfometriyasının diaqnostik və proqnostik meyarları”, Azər Fərəcin “Çox nadir fetal aorta qövsü anomaliyası” adlı məruzələri maraqla qarşılandı.

Hörmətli dostlar!

Azərbaycanın və keçmiş Sovet məkanının qocaman ali tibb təhsil müəssisələrindən biri olan institutun saytına xoş gəlmisiniz.

Bizim institut 80 ildir ki, milli səhiyyənin, ümumilikdə ali tibb təhsilinin inkişafını, həkimlərin ixtisaslaşma və təkmilləşdirməsini müvəffəqiyyətlə təmin edir. İnstitut həkimlərin tibb təhsilində biliklərinin yüksəlməsi, fundamental təbabətin yeni nailiyyətlərinə yiyələnməsi, kliniki təcrübəyə diaqnostikanın müasir üsullarını tətbiq etməsinə nail olmağı öz üzərinə vəzifə kimi götürür. Bunlar da XXI əsrdə inkişaf edən təbabət elminin ayrılmaz atributları sayılır. İnstitutun ilk rektorları professor V.A. Tarnoqradski, M.M. Əfəndiyev və B.A. Ağayev olmuşdur. İnstitutun dirçəlməsində akademik Əziz Əliyevin böyük rolu olmuşdur. Kollektivin vəsadəti ilə Nazirlər Kabinetinin qərarı əsasında 1962-ci ildən institut onun adını daşıyır. Bu müddətdə M. Məmmədov, M.X. Yaqubov, S.M. Qusman, İ.İ. Lukov, S.Q. Şteyn, N.M. İsrafilova, P.P. Popov, S.İ.Vəlixan və s. kimi Azərbaycan təbabətinin istedadlı, yüksək ixtisaslı həkim kollektivi formalaşmışdır.

Davamını oxu