I Beynəlxalq Qastroenteroloji Simpozium keçirildi

11.05.2022

6-7 may 2022-ci il tarixində Azərbaycan Qastroenterologiya və İnvaziv Endoskopiya Cəmiyyətinin (AQİEC), Səhiyyə Nazirliyi, TƏBİB və Milli Onkolojı Mərkəzin birgə təşkilatçılığı ilə I Qastroenterolojı Simpozium keçirilmişdir. Simpoziumun açılış hissəsində Azərbaycan Qastroenterologiya və İnvaziv Endoskopiya Cəmiyyətinin sədri Dr. Fərid Quliyev, Ə.Əliyev adına Azərbaycan Dövlət Həkimləri Təkmilləşdirmə İnstitunun terapiya kafedrasının dosenti Gülüstan Babayeva (elmi komitənin sədri), Koç Universitesi Hastanesinin professoru Fatih Aslan, Qazi Universitesi Tip Fakultesi Gastroenteroloji bölümünün rəhbəri professor Mehmet İbiş (simpoziumun sədri) çıxış etdilər, tədbirin məhiyyəti, məqsədi və vəzifələri haqqında məlumat ilə bölüşdülər. Rəsmi açılış hissəsindən sonra konfrans öz işini panellər formatında davam etdirdi. Panellərdə Azərbaycan, Türkiyə, Qazaxıstan, İsveçrənin yüksəkixtisaslı mütəxəssisləri tərəfindən hazırlanmış məruzələr dinləndi. 6 may tarixində simpozium ”Pankreatologiyada aktual suallar”, 7 may tarixində isə “Qida borusu xəstəlikləri“ mövzularına həsr olunmuş idi.

Hörmətli dostlar!

Azərbaycanın və keçmiş Sovet məkanının qocaman ali tibb təhsil müəssisələrindən biri olan institutun saytına xoş gəlmisiniz.

Bizim institut 80 ildir ki, milli səhiyyənin, ümumilikdə ali tibb təhsilinin inkişafını, həkimlərin ixtisaslaşma və təkmilləşdirməsini müvəffəqiyyətlə təmin edir. İnstitut həkimlərin tibb təhsilində biliklərinin yüksəlməsi, fundamental təbabətin yeni nailiyyətlərinə yiyələnməsi, kliniki təcrübəyə diaqnostikanın müasir üsullarını tətbiq etməsinə nail olmağı öz üzərinə vəzifə kimi götürür. Bunlar da XXI əsrdə inkişaf edən təbabət elminin ayrılmaz atributları sayılır. İnstitutun ilk rektorları professor V.A. Tarnoqradski, M.M. Əfəndiyev və B.A. Ağayev olmuşdur. İnstitutun dirçəlməsində akademik Əziz Əliyevin böyük rolu olmuşdur. Kollektivin vəsadəti ilə Nazirlər Kabinetinin qərarı əsasında 1962-ci ildən institut onun adını daşıyır. Bu müddətdə M. Məmmədov, M.X. Yaqubov, S.M. Qusman, İ.İ. Lukov, S.Q. Şteyn, N.M. İsrafilova, P.P. Popov, S.İ.Vəlixan və s. kimi Azərbaycan təbabətinin istedadlı, yüksək ixtisaslı həkim kollektivi formalaşmışdır.

Davamını oxu