“B12 vitamin çatışmazlığı” mövzusunda konfrans keçirilmişdir

08.04.2022

6 aprel 2022-ci il tarixində Bakı şəhərində “B12 vitamin çatışmazlığı” mövzusuna həsr olunmuş konfrans keçirilmişdir. Konfransı sədr, Ə.Əliyev adına Azərbaycan Dövlət Həkimləri Təkmilləşdirmə İnstitutunun terapiya kafedrasının müdiri, t.e.d. Valeh Mirzəzadə açdı.
Konfransın qonağı İ.Cavaxişvili adına Tbilisi Dövlət Universitetinin endokrinologiya kafedrasının müdiri, professor Yelena Giorqadze B12 vitamin çatışmazlığının səbəblərini, risk qruplarını açıqlayaraq, bu patologiyanın korreksiya üsullarını təqdim etdi. Bundan başqa konfransda Azərbaycan Dövlət Həkimləri Təkmilləşdirmə İnstitutunun terapiya kafedrasının əməkdaşları Aygün Hüseynova və Sevil İsmayılova da çıxış etdilər. Onlar öz çıxışlarında B12 vitamin çatışmazlığına dair praktikada rast gəlinən maraqlı klinik müşahidələri təqdim etdilər.
Sonda bu kliniki hallar ətraflı müzakirə olundu və həkimlər tərəfindən çoxsaylı suallar verildi. Həmin suallar konfransın qonağı və terapiya kafedrasının əməkdaşları tərəfindən cavablandırıldılar.




Hörmətli dostlar!
Azərbaycanın və keçmiş Sovet məkanının qocaman ali tibb təhsil müəssisələrindən biri olan institutun saytına xoş gəlmisiniz.

Bizim institut 80 ildir ki, milli səhiyyənin, ümumilikdə ali tibb təhsilinin inkişafını, həkimlərin ixtisaslaşma və təkmilləşdirməsini müvəffəqiyyətlə təmin edir. İnstitut həkimlərin tibb təhsilində biliklərinin yüksəlməsi, fundamental təbabətin yeni nailiyyətlərinə yiyələnməsi, kliniki təcrübəyə diaqnostikanın müasir üsullarını tətbiq etməsinə nail olmağı öz üzərinə vəzifə kimi götürür. Bunlar da XXI əsrdə inkişaf edən təbabət elminin ayrılmaz atributları sayılır. İnstitutun ilk rektorları professor V.A. Tarnoqradski, M.M. Əfəndiyev və B.A. Ağayev olmuşdur. İnstitutun dirçəlməsində akademik Əziz Əliyevin böyük rolu olmuşdur. Kollektivin vəsadəti ilə Nazirlər Kabinetinin qərarı əsasında 1962-ci ildən institut onun adını daşıyır. Bu müddətdə M. Məmmədov, M.X. Yaqubov, S.M. Qusman, İ.İ. Lukov, S.Q. Şteyn, N.M. İsrafilova, P.P. Popov, S.İ.Vəlixan və s. kimi Azərbaycan təbabətinin istedadlı, yüksək ixtisaslı həkim kollektivi formalaşmışdır.

Davamını oxu



ONLAYN JURNAL


"Tibb və Elm"
Əziz Əliyev adına elmi-praktiki jurnal.

Tibb sahəsinin bütün bölmələri üzrə orijinal məqalələr qəbul edilir.





Copyright © , Azərbaycan Respublikası Səhiyyə Nazirliyi
Əziz Əliyev adına Azərbaycan Dövlət Həkimləri Təkmilləşdirmə İnstitutu



Saytın hazırlanması: Proqres IPX