“Dərin dəniz özülündə qazma işləri zamanı əməyin mühafizəsi və təhlükəsizliyi” mövzusunda təlim başlanmışdır

21.02.2022

21 fevral 2022-ci il tarixində Ə.Əliyev adına Azərbaycan Dövlət Həkimləri Təkmilləşdirmə İnstitutunun gigiyena kafedrasında “Əmək gigiyenası” kursuna aid olan “Dərin dəniz özülündə qazma işləri zamanı əməyin mühafizəsi və təhlükəsizliyi” mövzusunda təlim başlanmışdır. Kursun məqsədi neft və qazçıxarma müəssisələri arasında yüksək təhlükəli obyekt kimi dəyərləndirilən dərin dəniz özüllərində çalışanların əmək şəraiti və onların əməyinin təhlükəsizliyini təmin etmək yolları ilə müdavimləri tanış etməkdir.Bu baxımdan neftçıxarma müəssisəsində gələcəkdə əmələ gələ biləcək hər hansı bir təhlükəli vəziyyət zamanı işçilərin sağlamlığını mühafizə etmək üçün tədbirlər planının hazırlanması və onun həyata keçirilməsi zəruridir.
Təlim Ə.Əliyev adına ADHTİ-nun gigiyena kafedrasının müdiri dosent M.Meybəliyev və baş müəllimi t.ü.f.d. N.İsmayilovanın rəhbərliyi ilə iki həftə davam edəcək və sonda müdavimlərə müvafiq sertifikatlar veriləcəkdir.

Hörmətli dostlar!

Azərbaycanın və keçmiş Sovet məkanının qocaman ali tibb təhsil müəssisələrindən biri olan institutun saytına xoş gəlmisiniz.

Bizim institut 80 ildir ki, milli səhiyyənin, ümumilikdə ali tibb təhsilinin inkişafını, həkimlərin ixtisaslaşma və təkmilləşdirməsini müvəffəqiyyətlə təmin edir. İnstitut həkimlərin tibb təhsilində biliklərinin yüksəlməsi, fundamental təbabətin yeni nailiyyətlərinə yiyələnməsi, kliniki təcrübəyə diaqnostikanın müasir üsullarını tətbiq etməsinə nail olmağı öz üzərinə vəzifə kimi götürür. Bunlar da XXI əsrdə inkişaf edən təbabət elminin ayrılmaz atributları sayılır. İnstitutun ilk rektorları professor V.A. Tarnoqradski, M.M. Əfəndiyev və B.A. Ağayev olmuşdur. İnstitutun dirçəlməsində akademik Əziz Əliyevin böyük rolu olmuşdur. Kollektivin vəsadəti ilə Nazirlər Kabinetinin qərarı əsasında 1962-ci ildən institut onun adını daşıyır. Bu müddətdə M. Məmmədov, M.X. Yaqubov, S.M. Qusman, İ.İ. Lukov, S.Q. Şteyn, N.M. İsrafilova, P.P. Popov, S.İ.Vəlixan və s. kimi Azərbaycan təbabətinin istedadlı, yüksək ixtisaslı həkim kollektivi formalaşmışdır.

Davamını oxu