Əməkdaşımız "Erkən qidalanmanın uzunmüddətli proqramlaşdırma təsiri" seminarında çıxış etmişdir

14.01.2022

Ə.Əliyev adına Azərbaycan Dövlət Həkimləri Təkmilləşdirmə İnstitutunun pediatriya kafedrasının dosenti Nigar Hacıyeva poliklinika, xəstəxana və özəl tibb müəssisələrində çalışan 80 nəfər pediatrların iştirakı ilə keçirilən "Erkən qidalanmanın uzunmüddətli proqramlaşdırma təsiri" mövzusunda seminarda çıxış etmişdir.
Çıxışda qidalanma ilə bağlı istifadə edilən "proqramlaşdırma" termininə anlayış gətirilmiş, bu istiqamətdə aparılan tədqiqatlar açıqlanmış, uşağın ana bətnində qidalanmasının onun sonrakı uzunmüddətli sağlamlığına təsiri bildirilmişdir.
Eyni zamanda körpəlikdə ideal qida olaraq ana südünün tərkibinin - kök hüceyrələr, oliqosaxaridlər və s. komponentlərinin uşağa təsiri haqqında da məlumat verilmiş, uşağın ilk 2 yaşında sürətli yığılan çəkinin gələcək üçün təsirləri də göstərilmiş, pediatrların kiçik yaşlı uşaqlarda sağlam qidalanma nümunələrinin formalaşmasında mühüm rolu vurğulanmışdır.

Hörmətli dostlar!

Azərbaycanın və keçmiş Sovet məkanının qocaman ali tibb təhsil müəssisələrindən biri olan institutun saytına xoş gəlmisiniz.

Bizim institut 80 ildir ki, milli səhiyyənin, ümumilikdə ali tibb təhsilinin inkişafını, həkimlərin ixtisaslaşma və təkmilləşdirməsini müvəffəqiyyətlə təmin edir. İnstitut həkimlərin tibb təhsilində biliklərinin yüksəlməsi, fundamental təbabətin yeni nailiyyətlərinə yiyələnməsi, kliniki təcrübəyə diaqnostikanın müasir üsullarını tətbiq etməsinə nail olmağı öz üzərinə vəzifə kimi götürür. Bunlar da XXI əsrdə inkişaf edən təbabət elminin ayrılmaz atributları sayılır. İnstitutun ilk rektorları professor V.A. Tarnoqradski, M.M. Əfəndiyev və B.A. Ağayev olmuşdur. İnstitutun dirçəlməsində akademik Əziz Əliyevin böyük rolu olmuşdur. Kollektivin vəsadəti ilə Nazirlər Kabinetinin qərarı əsasında 1962-ci ildən institut onun adını daşıyır. Bu müddətdə M. Məmmədov, M.X. Yaqubov, S.M. Qusman, İ.İ. Lukov, S.Q. Şteyn, N.M. İsrafilova, P.P. Popov, S.İ.Vəlixan və s. kimi Azərbaycan təbabətinin istedadlı, yüksək ixtisaslı həkim kollektivi formalaşmışdır.

Davamını oxu