TİKA-nın təşkilatçılığı ilə 18-ci Daxili və Cərrahi Bilimlər Yoğun Baxım E-konqresi və 10-cu Avrasya Yoğun Baxım E-toplantısında iştirak edə bilərsiz

25.11.2021

Türk İşbirliyi və Koordinasyon Agentliyi (TİKA) səhiyyə sahəsində əldə etdiyi təcrübə və bilikləri dost ölkələrlə bölüşmək istiqamətində geniş və davamlı işlər aparır. Dünyanın 54 ölkəsində koordinasyon idarələri olan bu təşkilat səhiyyə işçilərinin bacarıqlarını artırmaq üçün bir çox proqramlar həyata keçirir. Bu istiqamətdə Türk Reanimatoloqlar Dərnəyi tərəfindən 6-9 dekabr 2021-ci ildə həyata keçiriləcək 18-ci Daxili və Cərrahi Bilimlər Yoğun Baxım E-konqresi və 10-cu Avrasya Yoğun Baxım E-toplantısına Azərbaycan həkimləri də dəvət almışlar. İştirak etmək haqqı təşkilat tərəfindən qarşılanacaqdır. Ə.Əliyev adına ADHTİ-nun ümumi cərrahiyə kafedrasının əməkdaşları bu toplantıda geniş tərkibdə iştirak edəcəklər. Ətraflı məlumatı http://www.yogunbakim2021.org saytından əldə etmək olar.

Hörmətli dostlar!

Azərbaycanın və keçmiş Sovet məkanının qocaman ali tibb təhsil müəssisələrindən biri olan institutun saytına xoş gəlmisiniz.

Bizim institut 80 ildir ki, milli səhiyyənin, ümumilikdə ali tibb təhsilinin inkişafını, həkimlərin ixtisaslaşma və təkmilləşdirməsini müvəffəqiyyətlə təmin edir. İnstitut həkimlərin tibb təhsilində biliklərinin yüksəlməsi, fundamental təbabətin yeni nailiyyətlərinə yiyələnməsi, kliniki təcrübəyə diaqnostikanın müasir üsullarını tətbiq etməsinə nail olmağı öz üzərinə vəzifə kimi götürür. Bunlar da XXI əsrdə inkişaf edən təbabət elminin ayrılmaz atributları sayılır. İnstitutun ilk rektorları professor V.A. Tarnoqradski, M.M. Əfəndiyev və B.A. Ağayev olmuşdur. İnstitutun dirçəlməsində akademik Əziz Əliyevin böyük rolu olmuşdur. Kollektivin vəsadəti ilə Nazirlər Kabinetinin qərarı əsasında 1962-ci ildən institut onun adını daşıyır. Bu müddətdə M. Məmmədov, M.X. Yaqubov, S.M. Qusman, İ.İ. Lukov, S.Q. Şteyn, N.M. İsrafilova, P.P. Popov, S.İ.Vəlixan və s. kimi Azərbaycan təbabətinin istedadlı, yüksək ixtisaslı həkim kollektivi formalaşmışdır.

Davamını oxu