Sağlamlıq Strategiyası Təlim Mərkəzi və Diyetologiya Nutrisiologiya Akademiyası tərəfindən həkimlər və təbabətin yenilikləri ilə yaxından maraqlananlar üçün “Tibbi genetika və müasir imkanlar” adlı vebinar təşkil olunmuşdur. Vebinarda təbabətin ən aktual sahələrindən biri olan tibbi genetikanın müasir imkanları, Azərbaycanda rast gəlinən irsi xəstəliklər, onların laborator diaqnostikası, müalicəsi və profilaktikası məsələləri müzakirə olunmuşdur. Eləcə də son zamanlar müasir genetika elminin çox sürətlə inkşaf edən nutrigenetika və nutrigenomika istiqamətləri haqqında dinləyicilərə ətraflı məlumat verilmişdir. Vebinarda həkim-genetik, biologiya elmləri doktoru Elxan Rəsulov və həkim diyetoloq Emil Hidayətli çıxış etmişlər. Vebinarın moderatoru Ə.Əliyev adına Azərbaycan Dövlət Həkimləri Təkmilləşdirmə İnstitutunun kliniki laborator diaqnostika kafedrasının dosenti Könül Kərimova olmuşdur.