Şüa terapiyası kursu ilə şüa diaqnostikası kafedrası Gəncə şəhərində səyyar-distant kurs keçirmişdir

01.02.2020

22.01.2020-31.01.2020-ci il tarixində Ə. Əliyev adına Azərbaycan Dövlət Həkimləri Təkmilləşdirmə İnstitutunun şüa terapiyası kursu ilə şüa diaqnostikası kafedrası Davamlı Tibbi Təhsil programına uyğun olaraq Gəncə şəhəri Müalicə Diaqnostika Mərkəzində şüa diaqnostikası həkimləri üçün “Şüa diaqnostikası (modul 3-4)” səyyar-distant kurs təşkil etmişdir. Kursda Gəncə şəhərində fəaliyyət göstərən həkimlərlə yanaşı yaxın bölgələrdən olan həkim-radioloqlar da iştirak etmişlər.
Kursun əsas məqsədi müdavimləri şüa diaqnostikasının aktual məsələləri ilə tanış etmək, onların döş qəfəsi orqanları və ürək damar sisteminin xəstəliklərinin erkən diaqnostikasına dair bilik və praktik bacarıqlarının təkmilləşdirilməsi olmuşdur. Dərslərdə eyni zamanda patoloji hamiləlik, şəkərli diabetli analarda fetal EXO müayinəsilə qarşıya çıxan problemləri vaxtında aşkar edib patologiyanın həlli yolları araşdırılmışdır.
Dərslər Ə.Əliyev adına ADHTİ-nin şüa terapiyası kursu ilə şüa diaqnostikası kafedrasının müdiri dosent Fəridə Nəsirovanın rəhbərliyi ilə kafedranın əməkdaşları tərəfindən aparılmışdır.



Hörmətli dostlar!
Azərbaycanın və keçmiş Sovet məkanının qocaman ali tibb təhsil müəssisələrindən biri olan institutun saytına xoş gəlmisiniz.

Bizim institut 80 ildir ki, milli səhiyyənin, ümumilikdə ali tibb təhsilinin inkişafını, həkimlərin ixtisaslaşma və təkmilləşdirməsini müvəffəqiyyətlə təmin edir. İnstitut həkimlərin tibb təhsilində biliklərinin yüksəlməsi, fundamental təbabətin yeni nailiyyətlərinə yiyələnməsi, kliniki təcrübəyə diaqnostikanın müasir üsullarını tətbiq etməsinə nail olmağı öz üzərinə vəzifə kimi götürür. Bunlar da XXI əsrdə inkişaf edən təbabət elminin ayrılmaz atributları sayılır. İnstitutun ilk rektorları professor V.A. Tarnoqradski, M.M. Əfəndiyev və B.A. Ağayev olmuşdur. İnstitutun dirçəlməsində akademik Əziz Əliyevin böyük rolu olmuşdur. Kollektivin vəsadəti ilə Nazirlər Kabinetinin qərarı əsasında 1962-ci ildən institut onun adını daşıyır. Bu müddətdə M. Məmmədov, M.X. Yaqubov, S.M. Qusman, İ.İ. Lukov, S.Q. Şteyn, N.M. İsrafilova, P.P. Popov, S.İ.Vəlixan və s. kimi Azərbaycan təbabətinin istedadlı, yüksək ixtisaslı həkim kollektivi formalaşmışdır.

Davamını oxu



ONLAYN JURNAL


"Tibb və Elm"
Əziz Əliyev adına elmi-praktiki jurnal.

Tibb sahəsinin bütün bölmələri üzrə orijinal məqalələr qəbul edilir.





Copyright © , Azərbaycan Respublikası Səhiyyə Nazirliyi
Əziz Əliyev adına Azərbaycan Dövlət Həkimləri Təkmilləşdirmə İnstitutu



Saytın hazırlanması: Proqres IPX