Əməkdaşlarımız “Perinatal və neonatal COVİD-19: İnfeksion nəzarət və profilaktika. Müayinə və müalicə” mövzusunda onlayn təlimdə iştirak etdilər

30.04.2020

Azərbaycan Respublikası Səhiyyə Nazirliyinin İctimai Səhiyyə və İslahatlar Mərkəzinin, İcbari Tibbi Sığorta üzrə Dövlət Agentliyinin, TƏBİB-in və Uptodate İn Medicine-nin təşkilatçılığı və texniki dəstəyi ilə 28-29 aprel 2020-ci il tarixində “Perinatal və neonatal COVİD-19: İnfeksion nəzarət və profilaktika. Müayinə və müalicə” mövzusunda onlayn təlim keçirildi.
Təcili tibbi yardım həkimi, mama-ginekoloq, ailə həkimi, neonatoloq və pediatrlar üçün keçirilən təlimin əsas məqsədi COVİD-19 xəstəliyinə tutulan yenidoğulmuşlara təcili və təxirəsalınmaz tibbi yardım göstərilməsinin və xəstəyə nəzarətin keyfiyyətini artırmaq, müalicə və müayinənin yeni metod və strategiyalarını izah etmək, mütəxəssislərin əldə etdikləri təcrübələri bölüşmək idi. Təlimdə tibb müəssisələrinin COVİD-19-a hazırlıq məsələləri, təmas, hava və hava-damcı yolu ilə yoluxmanın profilaktik tədbirləri, fərdi qoruyucu vasitələrin istifadəsi, hamiləlik və doğuşun menecmenti mövzuları ətrafinda müzakirələr getdi.
Səhiyyə Nazirliyinin, Ankara Universitetinin Tibb fakültəsinin, Azərbaycan Tibb Universiteti əməkdaşlarının iştirak etdiyi təlimə Ə.Əliyev adına ADHTİ-nun pediatriya kafedrasının dosentləri Mətanət Qaraxanova və Sənubər Vəliyeva da dəvətli idilər.


Hörmətli dostlar!
Azərbaycanın və keçmiş Sovet məkanının qocaman ali tibb təhsil müəssisələrindən biri olan institutun saytına xoş gəlmisiniz.

Bizim institut 80 ildir ki, milli səhiyyənin, ümumilikdə ali tibb təhsilinin inkişafını, həkimlərin ixtisaslaşma və təkmilləşdirməsini müvəffəqiyyətlə təmin edir. İnstitut həkimlərin tibb təhsilində biliklərinin yüksəlməsi, fundamental təbabətin yeni nailiyyətlərinə yiyələnməsi, kliniki təcrübəyə diaqnostikanın müasir üsullarını tətbiq etməsinə nail olmağı öz üzərinə vəzifə kimi götürür. Bunlar da XXI əsrdə inkişaf edən təbabət elminin ayrılmaz atributları sayılır. İnstitutun ilk rektorları professor V.A. Tarnoqradski, M.M. Əfəndiyev və B.A. Ağayev olmuşdur. İnstitutun dirçəlməsində akademik Əziz Əliyevin böyük rolu olmuşdur. Kollektivin vəsadəti ilə Nazirlər Kabinetinin qərarı əsasında 1962-ci ildən institut onun adını daşıyır. Bu müddətdə M. Məmmədov, M.X. Yaqubov, S.M. Qusman, İ.İ. Lukov, S.Q. Şteyn, N.M. İsrafilova, P.P. Popov, S.İ.Vəlixan və s. kimi Azərbaycan təbabətinin istedadlı, yüksək ixtisaslı həkim kollektivi formalaşmışdır.

Davamını oxu



ONLAYN JURNAL


"Tibb və Elm"
Əziz Əliyev adına elmi-praktiki jurnal.

Tibb sahəsinin bütün bölmələri üzrə orijinal məqalələr qəbul edilir.





Copyright © , Azərbaycan Respublikası Səhiyyə Nazirliyi
Əziz Əliyev adına Azərbaycan Dövlət Həkimləri Təkmilləşdirmə İnstitutu



Saytın hazırlanması: Proqres IPX