Rezidentlər Belarus Respublikasında təhsil alacaqlar

01.04.2016

    Ə.Əliyev adına Azərbaycan Dövlət Həkimləri Təkmilləşdirmə İnstitutunda Azərbaycan Respublikası Səhiyyə Nazirliyinin təşəbbüsü ilə beynəlxalq təhsilin müxtəlif formaları tətbiq edilir. Bu baxımdan hər il mütəmadi olaraq institutumuzun rezidentləri bir sıra xarici ölkələrin nüfuzlu ali tibb təhsili müəssisələrinə rotasiya kurslarına göndərilir. İndiyənə qədər institutun bir çox kafedralarının rezidentləri Almaniya, Türkiyə və Rusiyanın nüfuzlu tibb universitetlərində bu kurslardan keçmişlər.Bu ildən həmin tibb müəssisələrinin sırasına Belarusiya Diplomdansonrakı Təhsil üzrə Tibb Akademiyası da qoşulmuşdur. Ə.Əliyev adına ADHTİ-nun rektoru professor N.A.Qasımovun 2015-ci ildə Minsk şəhərinə səfəri zamanı bu Tibb Akademiyası ilə bağlanmış saziş əsasında institutun rezidentləri müxtəlif ixtisaslar üzrə rotasiya keçmək üçün Minskə göndəriləcəklər.Artıq müsabiqədən keçmiş 3 rezident Belarusiyanın paytaxtı Minsk şəhərinə 31.03.16-30.04.16-cı il tarixinə ixtisasları üzrə 1 aylıq kursa göndərilmişdir:

    1. Sultanova Fidan Əbdülqədir qızı - mamalıq ginekologiya kafedrası
    2. Cümşüdzadə Esmira Elmar qızı - yoluxucu xəstəliklər kafedrası
    3. Qarayeva Aynur Arif qızı - yoluxucu xəstəliklər kafedrası.

Əziz həmkarlar və səhiyyə ictimaiyyətinin nümayəndələri!

Sizi Əziz Əliyev adına Azərbaycan Dövlət Həkimləri Təkmilləşdirmə İnstitutunun rəsmi internet səhifəsində salamlayıram!

İnstitutumuz 1935-ci ildən fəaliyyət göstərən, Azərbaycan səhiyyəsində ixtisaslı tibbi kadrların fasiləsiz inkişafını təmin edən qabaqcıl elmi-tədris mərkəzidir. Burada on minlərlə həkim peşəkar biliklərini müasir tələblər səviyyəsində təkmilləşdirmiş, ölkəmizin bütün regionlarında və xaricdə nüfuzlu mütəxəssislər kimi tanınmışdır.
İnstitutun tarixində mühüm rol oynamış görkəmli şəxsiyyətlər arasında onun ilk rəhbərləri – peşəkar təşkilatçılar və elm fədailəri, xüsusilə də institutun uzun illər rektoru olmuş professor Əziz Əliyev xüsusi ehtiramla anılır. Onun maarifçi fəaliyyəti və milli səhiyyənin inkişafında göstərdiyi xidmətlər bu gün də dəyərini itirmir və institutumuzun adında əbədiləşdirilib.

Davamını oxu