Hemofiliyalı xəstələrin tibbi – sosial problemlərinə dair konfrans keçirilmişdir

17.03.2016

2016-2020-ci illər üçün hemofiliya xəstəliyi üzrə qəbul olunmuş Dövlət Proqramının tədbirlər planına əsasən Ə.Əliyev adına Azərbaycan Dövlət Həkimləri Təkmilləşdirmə İnstitutunun hematologiya kafedrası Hemofiliya Assosiasiyası və Dünya Hemofiliya Federasiyasının Tibb Komitəsinin sədri, Polşa Hematologiya və Transfuziologiya institutunun daxili xəstəliklər departamentinin rəhbəri professor Jerzy Windyganın içtirakı ilə birgə konfrans keçirmişlər. Konfransın iştirakçıları həkim-hematoloqlar, fizioterapevtlər, müxtəlif ixtisaslı həkimlər və pasientlər olmuşlar. Həmin konfransda Elmi-Praktik Hemofiliya Mərkəzinin rəhbəri dosent Qədimova E.Ə. “Azərbaycanda Hemofiliya Dövlət Proqramının həyata keçirilməsi”, Ə.Əliyev adına ADHTİ-nin hematologiya kafedrasının dosenti Yusifova N.Y. “İnhibitorlu xəstənin müalicəsi (İTİ)”, Ə.Əliyev adına ADHTİ-nin hematologiya kafedrasının assistenti Əlizadə G.Ə. “Hemofiliyalı xəstələrin profilaktikası”, Dünya Hemofiliya Federasiyasının Tibb Komitəsinin sədri, Polşa Hematologiya və Transfuziologiya İnstitutunun daxili xəstəliklər departamentinin rəhbəri professor Jerzy Windyga “Hemofiliya A xəstələrini müalicə etmək üçün faktor VIII konsentratlarının optimal tələbatı” mövzusuna dair çıxışlar etmişlər. Bundan başqa konfransda “Hemofiliya və Hepatit C”, “Son illər hemofiliyalı pasiyentlərin sosial inteqrasiyası sahəsində Assosiasiyanın fəaliyyətləri”, "Hemofiliyanın bütün ağırlıqlarının laborator müayinəsinin perspektivləri", "Hemofiliyalı xəstələrin reabilitasiyasında fizioterapiyanın rolu", "Hemofiliyalı pasiyentlərin sosial müdafiəsi" mövzularında müxtəlif məruzələr də dinlənilmişdir. Sonda konfransı bağlayan professor Jerzy Windyga çıxışında qeyd etmişdir ki, bu qısa zamanda Azərbaycan Respublikasında hemofiliyalı xəstələrə qayğı yüksək səviyyədə təşkil olunmuşdur.

Əziz həmkarlar və səhiyyə ictimaiyyətinin nümayəndələri!

Sizi Əziz Əliyev adına Azərbaycan Dövlət Həkimləri Təkmilləşdirmə İnstitutunun rəsmi internet səhifəsində salamlayıram!

İnstitutumuz 1935-ci ildən fəaliyyət göstərən, Azərbaycan səhiyyəsində ixtisaslı tibbi kadrların fasiləsiz inkişafını təmin edən qabaqcıl elmi-tədris mərkəzidir. Burada on minlərlə həkim peşəkar biliklərini müasir tələblər səviyyəsində təkmilləşdirmiş, ölkəmizin bütün regionlarında və xaricdə nüfuzlu mütəxəssislər kimi tanınmışdır.
İnstitutun tarixində mühüm rol oynamış görkəmli şəxsiyyətlər arasında onun ilk rəhbərləri – peşəkar təşkilatçılar və elm fədailəri, xüsusilə də institutun uzun illər rektoru olmuş professor Əziz Əliyev xüsusi ehtiramla anılır. Onun maarifçi fəaliyyəti və milli səhiyyənin inkişafında göstərdiyi xidmətlər bu gün də dəyərini itirmir və institutumuzun adında əbədiləşdirilib.

Davamını oxu