01 mart 2026-cı il tarixində Bakıda “Caspian Trichology Forum” keçirildi. Ölkəmizdə ilk dəfə trixologiya sahəsi üzrə keçirilən bu forumda global saç problemlərinin səbəbləri, alopesiya, saç psoriazı, saç tökülməsi kimi problemlərin müalicə üsulları haqqında məruzələr edildi, praktik master-klasslar baş tutdu. Tük xəstəlikləri və tük-vəz biliyi xəstəliklərinin müasir diaqnostikası üsülları forum çərçivəsində araşdırılıb praktik həkimlərə təqdim olundu. Bu zaman trixologiyada ən çətin sayılan differensial diaqnostika məsələlərinə xüsusi yer verildi, tük və tük-vəz biliyi xəstəliklərinin müasir müalicəsi üsullarına daxil olan dərman preparatları, yerli inyeksion üsullar, o cümlədən lazer cihazı üsulu geniş müzakirə olundu.
Ə.Əliyev adına Azərbaycan Dövlət Həkimləri Təkmilləşdirmə İnstitutunun dermatovenerologiya kafedrasının əməkdaşları və rezidentləri Forumda iştirak etdilər. Kafedrasının müdiri t.e.d. Sənan Kərimov tədbirdə çıxış etdi.