4-6 sentyabr 2026-cı il tarixlərində Cənubi Koreyanın paytaxtı Seul şəhərində Cənubi Koreya, Yaponiya, Sinqapur və Çin Kolorektal Cəmiyyətlərinin təşkilatçılığı ilə Kolorektal Beynəlxalq Tədqiqat Sammiti (İCRS 2026) keçirildi. Tədbir kolorektal xəstəliklər sahəsində dünyanın aparıcı cərrahlarını, onkoloqlarını və tədqiqatçılarını bir araya gətirdi. Sammitin əsas mövzuları kolorektal xərçəng, iltihablı bağırsaq xəstəlikləri, minimal invaziv və robotik cərrahiyyə, süni intellekt texnologiyalarının tibbdə tətbiqi və mikrobiom tədqiqatları olmuşdur.
Ə.Əliyev adına Azərbaycan Dövlət Həkimləri Təkmilləşdirmə İnstitutunun cərrahiyyə kafedrasının dosenti, tibb elmləri doktoru Aynur Safiyeva ölkəmizi bu mötəbər beynəlxalq tədbirdə yeganə azərbaycanlı alim kimi layiqincə təmsil edərək, “Kolorektal poliplərdə gender fərqliliyi” mövzusunda apardığı tədqiqat işinin nətcələrini Sammit iştirakçılarına təqdim etmişdir. Mətuzə maraqla qarşılanmış və mövzu ətrafında müzakirə baş tutmuşdur.