15-16 oktyabr 2026-cı il tarixlərində Azərbaycan Respublikası Elm və Təhsil Nazirliyi, Elm və Ali Təhsil üzrə Dövlət Agentliyi və Naxçıvan Dövlət Universitetinin təşkilatçılığı ilə “Doktorantların və gənc tədqiqatçıların Respublika Elmi Konfransı (NASCO29)” keçiriləcəkdir. Konfransın əsas məqsədi gənc alim və tədqiqatçılara öz elmi tədqiqatlarının nəticələrini təqdim etmək, müxtəlif sahələr üzrə aktual problemləri müzakirə etmək, elmi əməkdaşlıq əlaqələri qurmaq və innovativ ideyalar üçün platforma yaratmaqdır. Konfransa təqdim olunacaq məqalə və tezislər elmi ekspertizadan keçiriləcək, etik prinsiplərə və akademik dürüstlüyə uyğunluğu yoxlanılacaqdır. Qəbul edilmiş materiallar konfransın rəsmi toplusunda nəşr olunacaqdır.
Doktorant və gənc tədqiqatçılar 15-16 oktyabr 2026-cı il tarixlərində Naxçıvan Dövlət Universitetində keçiriləcək “Doktorantların və gənc tədqiqatçıların Respublika Elmi Konfransı”na dəvət edilir. Konfransda iştirak ödənişsizdir.

Ətraflı məlumatı konfrans.ndu.edu.az saytından əldə edə bilərsiniz.
Əlaqələndirici şəxs:
Çapay Quliyev
Naxçıvan Dövlət Universitetinin Magistratura və doktorantura mərkəzinin direktoru.
Mob.: (+994) 503251111.