Özbəkistan Respublikasının Səmərqənd şəhərində 16.12.25-18.12.25 tarixində Mərkəzi Asiya və Qafqaz ölkələrində ağız boşluğunun sağlamlığının muhafizəsi sisteminin 2030-cu ilə qədər müəyyən edilmiş səhiyyə hədəflərunə uyğun vəziyyətə gətirilməsi üzrə ÜST tərəfindən təşkil olunmuş subregional işçi seminarı keçirilib. Görüşün əsas məqsədi əldə olunmuş nəticələri möhkəmləndirmək və region ölkələrinə texniki dəstək göstərmək olub. Seminarın 1-ci günü müxtəlif regionlarda olan oxşar cəhətlər və problemlər, 2-ci günü qeyri-infeksion xəstəliklər, ümumi səhiyyə xidmətləri, ilkin tibbi-sanitar yardım və ağız boşluğunun sağlamlığı sahəsində strategiyalarla əlaqə, 3-cu günü yeni tövsiyələrin mərhələli inteqrasiyası üzrə moderasiya, ÜST prioritetləri, xidmət paketləri və stomatoloji yol xəritələri müzakirə olunub. Tədbir çərçivəsində ÜST-ün qlobal və regional strategiyaları, monitorinq və qiymətləndirmə alətləri təqdim olunmuş, həmçinin ağız boşluğunun mühafizəsinə aid stomatoloji yol xəritələrin tərtib edilməsi, yeni prioritetlərin yaranması və onların ölkə üzrə hansı yolla icra edilməsi müzakirə olunub. ÜST-n təşkil etdiyi çoxölkəli seminarın rəhbəri Yelena Tsoy tərəfindın dünyada ağız boşluğu ilə bağlı yenilənmiş məlumatlar və 2030-cu il üzrə “Ağız boşluğunun mühafizəsi üzrə Qlobal strategiya” təqdim edilub. Tədbirdə Səhiyyə Nazirliyi Ə. Əliyev adına Azərbaycan Dövlət Həkimləri Təkmilləşdirmə İnstitutunun stomatologiya və üz- çənə cərrahiyyəsi kafedrasının dosenti Quliyeva Lalə və dosent Həsənova Günay iştirak edib, aparılan müzakirələrdə regionumuzdakı vəziyyət haqqında məlumat vermişlər.