2024-cü ildən başlayaraq Ə.Əliyev adına ADHTİ-nin səhiyyənin təşkili və menecmenti, pedaqogika kursu ilə kafedrasının tədris planına “Tibb elmlərinin tədrisi” adlı kurs daxil edilmişdir. Kursun məqsədi tibbi tədris proqramlarının beynəlxalq təcrübəyə uyğunlaşdirilması və yerli mütəxəssislərin bilik və bacarıqlarinın yenilənməsi və təkmilləşdirilməsidir.
Növbəti 17-ci kurs 24.11.2025-05.12.2025-ci il tarixində baş tutdu. 8 nəfər təlimçilər tərəfindən həyata keçirilən bu kursda Naxçıvan Muxtar Respublikası Səhiyyə Nazirliyindən 5 nəfər, Gəncə Tibb Kollecindən 4 nəfər və Ə.Əliyev adına ADHTİ-nin mamalıq və ginekologiya, ortodontiya, kliniki laborator təbabəti kafedrası, patoloji anatomiya və məhkəmə tibbi-ekspertiza kafedralarından 4 nəfər tibb tədrisçiləri iştirak etmişlər.
10 gün ərzində iştirakçılar tibb tədrisində istifadə edilən proqram modelləri, üsullar və texnikalara dair bilik və bacarıqlara yiyələnmişlər. Təlimdə iştirakçılara praktiki tapşırıqların tədbiq olunmasına və onların nümayişinə şərait yaradılmışdır. Təlimin son günündə iştirakçılar kursun onlar üçün çox maraqlı və faydalı olduğunu qeyd etmiş və təlimdə əldə etdikləri tədrisdə yeni yanaşmalara dair bilik və bacarıqları öz fəaliyyətlərində tədbiq edəcəklərini səsləndirmişlər.
Bu kursların il ərzində davamlı şəkildə həyata keçirilməsi nəzərdə tutulur.