12-15 oktyabr 2024-cü il tarixində Avstriyananın paytaxtı Vyana şəhərində Avropa gastroenterologiya həftəsi (UEGW-2024) keçirilmişdir. Bu konqres Avropa Qastroenterologiya Cəmiyyətinin rəsmi tədbiri olmasına baxmayaraq, artıq uzun illərdir ki, bütün dünya qastroenteroloqlarının əsas elmi toplantılarından hesab edilir. Ənənəvi olaraq Avropa gastroenterologiya həftəsinin ilk günü diplomdansonrakı təhsilə həsr edilmişdir və son bir il ərzində dünyada həzm sisteminin xəstəlikləri və onların menecmentinə həsr edilmiş klinik tövsiyələrin təhlili ilə yanaşı endoskopik treninqlərin də aparılması ilə yadda qalmışdır.
Konqresdə ölkəmizi Ə.Əliyev adına Azərbaycan Dövlət Həkimləri Təkmilləşdirmə İnstitutunun terapiya kafedrasının dosenti Gülüstan Babayeva təmsil etmişdir. Onun apardığı elmi-tədqiqat işinin nəticələrinə həsr edilmiş poster-məruzəsi maraqla qarşılanmışdır.