Avropa Asiya mama ginekoloqları dərnəyinin beynəlxalq konqresi keçirilmişdir 26.06.2023
Azərbaycan Respublikası Səhiyyə Naziriyi, Elmi Tədqiqat Mamalıq və Ginekologiya institutu və İctimai Səhiyyə və İslahatlar Mərkəzinin dəstəyi ilə 23-25 iyun 2023-cü il tarixində Quba şəhərində “Avropa Asiya mama ginekoloqları dərnəyi”nin 2-ci beynəlxalq konqresi keçirilmişdir. Konqresdə Türkiyə və Gürcüstandan çoxsaylı mütəxəssislər də iştirak etmişdilər. Elmi proqramda mamalıq və ginekologiyanın aktual problemlərinə həsr olunmuş məruzələr öz əksini tapmış idi.
Ə.Əliyev adına ADHTİ-nun mamalıq və ginekologiya kafedrasının əməkdaşları da konqresin işində aktiv iştirak etmişlər. Kafedranın müdiri professor Leyla Rzaquliyevanın moderatorluğu ilə keçirilən iclaslarda kafedranın əməkdaşları dosent Arzu Babayeva "Hestasion pielonefritli hamilələrin aparılması" və Günel Əfəndiyeva "Preeklampsiyaya müasir yanaşma" mövzusu olan məruzələrlə çıxış etmişlər. Konfransın baş tutduğu 3gün ərzində xarici qonaqlar keçirdikləri treninqlərdə öz praktik bacarıqları ilə də bölüşmüşlər.
Tədbir ölkə mütəxəssisləri tərəfindən maraqla qarşılanmışdır.
|
|
Hörmətli dostlar!
 Azərbaycanın və keçmiş Sovet məkanının qocaman ali tibb təhsil müəssisələrindən biri olan institutun saytına xoş gəlmisiniz.
Bizim institut 80 ildir ki, milli səhiyyənin, ümumilikdə ali tibb təhsilinin inkişafını, həkimlərin ixtisaslaşma və təkmilləşdirməsini müvəffəqiyyətlə təmin edir. İnstitut həkimlərin tibb təhsilində biliklərinin yüksəlməsi, fundamental təbabətin yeni nailiyyətlərinə yiyələnməsi, kliniki təcrübəyə diaqnostikanın müasir üsullarını tətbiq etməsinə nail olmağı öz üzərinə vəzifə kimi götürür. Bunlar da XXI əsrdə inkişaf edən təbabət elminin ayrılmaz atributları sayılır.
İnstitutun ilk rektorları professor V.A. Tarnoqradski, M.M. Əfəndiyev və B.A. Ağayev olmuşdur. İnstitutun dirçəlməsində akademik Əziz Əliyevin böyük rolu olmuşdur. Kollektivin vəsadəti ilə Nazirlər Kabinetinin qərarı əsasında 1962-ci ildən institut onun adını daşıyır. Bu müddətdə M. Məmmədov, M.X. Yaqubov, S.M. Qusman, İ.İ. Lukov, S.Q. Şteyn, N.M. İsrafilova, P.P. Popov, S.İ.Vəlixan və s. kimi Azərbaycan təbabətinin istedadlı, yüksək ixtisaslı həkim kollektivi formalaşmışdır.
|
TƏDRİSİN KEYFİYYƏTİNİN MÜDAVİMLƏR TƏRƏFİNDƏN QİYMƏTLƏNDİRİLMƏSİ
ONLAYN JURNAL
"Tibb və Elm"
Əziz Əliyev adına elmi-praktiki jurnal.
Tibb sahəsinin bütün bölmələri üzrə orijinal məqalələr qəbul edilir.
|
|
