30 may 2023-cü il tarixdə Ə.Əliyev adına Azərbaycan Dövlət Həkimləri Təkmilləşdirmə İnstitutunun rektoru professor Nazim Qasımovla Çex Respublikası Həkimlərin və Əczaçıların Təkmilləşdirilməsi İnstitutunun direktoru xanım İrena Marjikova arasında görüş keçirilib. Online formatda keçirilən görüşdə ADHTİ-nin rezidentura üzrə prorektoru İlqar Həsənov, Beynəlxalq Əlaqələr Şöbəsinin müdiri Vəfa Abdullayeva, eləcə də HƏTİ-nin tədris üzrə direktor yardımçısı Sonya Qridliçkova və Beynəlxalq Əlaqələr üzrə məsul işçisi Mariya Ponomarenko iştirak ediblər.

Görüşdə aşağıdakı məsələlər müzakirə edilib:

1. Müxtəlif ixtisaslar üzrə diplomdan sonrakı davamlı tibb təhsili sahəsində təcrübə mübadiləsi;
2. Müəyyən dövr üçün rezident həkimlər və kursant həkimlərin mübadiləsi perspektivləri;
3. Diplomdan sonrakı davamlı tibb təhsili üzrə fəaliyyətlərin akkreditasiyası sistemlərinin qarşılıqlı tanınması sahəsində əməkdaşlıq (konfranslar, seminarlar, təlim kursları, treninqlər və s.);
4. İki qurum arasında elmi-tədqiqat layihələrində qarşılıqlı faydalı əməkdaşlıq, birgə (kooperativ) tədqiqatların perspektivləri;
5. Həkimlərin peşə hazırlığı səviyyəsinin yüksəldilməsi üçün tədris planlarının, materialların mübadiləsi.

Bundan əlavə, tərəflər hər iki respublikada səhiyyənin inkişafı, İctimai Səhiyyənin İdarəedilməsi (Master of Public Health) proqramı üzrə birgə təlimlərin keçirilməsi perspektivlərini və müəllim və rezidentlərin qarşılıqlı mobilliyi məsələlərini də ətraflı müzakirə ediblər. Görüş çox məhsuldar və qarşılıqlı anlaşma şəraitində keçirilmişdir.
Görüşün sonunda tərəflər əməkdaşlıq haqqında Anlaşma Memorandumunun ilkin versiyasının hazırlanması haqqında razılığa gəlmişdilər.