10 mart 2023-cü il tarixində Ə.Əliyev adına Azәrbaycan Dövlət Hәkimlәri Tәkmillәşdirmә İnstitutunun otorinolarinqologiya kafedrası tərəfindən “Revizion septorinoplastika” mövzusunda treninq keçirilmişdir. Kafedranın tədris hissə müdiri dosent Akif Əfəndiyevin giriş nitqindən sonra assistent t.ü.f.d. Məzahir Quliyev insan burnunun kliniki anatomiyası və fiziologiyası haqqında məlumatları əhatə edən mühazirə ilə çıxış etmişdir. Sonrakı dərsdə septorinoplastika əməliyyatında diqqət çəkən məqamlar, əməliyyatın klassik gedişatı, üzə çıxan çətinliklər və diqqət ediləcək məsələlər haqqında ətraflı məlumat verilmişdir. Məruzə mövzuya aid klinik halların müzakirəsi ilə davam etdirilmiş, ayrı-ayrı xəstələrdə nəzərdə tutulmalı olan əsas məqamlar həkim-dinləyicilərin nəzərinə çatdırılmışdır. Sonda revizion septorinoplastika üsulları barədə də geniş məlumat verilmiş, kliniki hallar təqdim edilmiş, cərrahiyyə otağından görüntülər göstərilmişdir.
Treninq, iştirakçılar tərəfindən maraqla qarşılanmış, iştirak edən müdavimlər və rezidentlər aktiv olaraq müzakirələrdə iştirak etmiş və sonda bu cür treninqlərin davamlı keçirilməsini rica etmişlər.