Əməkdaşımız Azərbaycan Kardiologiya Cəmiyyətinin regional konfransında çıxış etmişdir

26.10.2022

Gəncə şəhərində Azərbaycan Kardiologiya Cəmiyyətinin regional konfransı baş tutmuşdur. Konfrans Cəmiyyətin "Ürək çatışmazlığı" və "Aritmiya" işçi qruplarının təşkilati dəstəyi ilə həyata keçmişdir. Tədbirdə Gənçə, Tovuz, Qazax, Gədəbəy, Göygöl, Goranboy, Naftalan, Yevlax və Bərdə rayonlarından dəvət olunmuş kardioloq və terapevtlər iştirak etmişlər. Konfransda Bakı şəhərindən və Gəncədən olan mütəxəssislərin iştirakı ilə ürək çatışmazlığı və aritmologiyanın aktual mövzularına həsr olunmuş müxtəlif mövzularda məruzələr dinlənilmişdir. Konfransda Ə.Əliyev adına Azərbaycan Dövlət Həkimlərin Təkmilləşdirmə İnstitutunun terapiya kafedrasının professoru İsax Mustafayev “Yuperio, xroniki ürək çatışmazlığının müalicəsində əvəzolunmazdır” mövzusunda, həmin kafedranın dosenti Samir Mehdiyev "Xroniki ürək çatışmazlığı: son təsnifatlar və diaqnostikada dəyişikliklər" və "Angiotenzin II reseptor blokatorları ürək çatışmazlığının müalicəsində" mövzularında məruzələrlə çıxış etmişlər. Məruzələr ətrafında suallara cavablar verilmiş və ətraflı müzakirələr aparılmışdır. İştirakçılar konfransın nəzəri və təcrübi əhəmiyyətini yüksək qiymətləndirmişlər.

Hörmətli dostlar!

Azərbaycanın və keçmiş Sovet məkanının qocaman ali tibb təhsil müəssisələrindən biri olan institutun saytına xoş gəlmisiniz.

Bizim institut 80 ildir ki, milli səhiyyənin, ümumilikdə ali tibb təhsilinin inkişafını, həkimlərin ixtisaslaşma və təkmilləşdirməsini müvəffəqiyyətlə təmin edir. İnstitut həkimlərin tibb təhsilində biliklərinin yüksəlməsi, fundamental təbabətin yeni nailiyyətlərinə yiyələnməsi, kliniki təcrübəyə diaqnostikanın müasir üsullarını tətbiq etməsinə nail olmağı öz üzərinə vəzifə kimi götürür. Bunlar da XXI əsrdə inkişaf edən təbabət elminin ayrılmaz atributları sayılır. İnstitutun ilk rektorları professor V.A. Tarnoqradski, M.M. Əfəndiyev və B.A. Ağayev olmuşdur. İnstitutun dirçəlməsində akademik Əziz Əliyevin böyük rolu olmuşdur. Kollektivin vəsadəti ilə Nazirlər Kabinetinin qərarı əsasında 1962-ci ildən institut onun adını daşıyır. Bu müddətdə M. Məmmədov, M.X. Yaqubov, S.M. Qusman, İ.İ. Lukov, S.Q. Şteyn, N.M. İsrafilova, P.P. Popov, S.İ.Vəlixan və s. kimi Azərbaycan təbabətinin istedadlı, yüksək ixtisaslı həkim kollektivi formalaşmışdır.

Davamını oxu