Əməkdaşlarımız Avropa-Asiya Mama-ginekoloqlar Dərnəyinin birinci konqresində iştirak etmişlər

14.10.2022

Azərbaycan Respublikası Səhiyyə Nazirliyinin və İctimai Səhiyyə İslahatlar Mərkəzinin (İSİM) dəstəyi ilə Avropa-Asiya Mama-ginekoloqlar Dərnəyinin Bakıda keçirilmiş birinci konqresində Azərbaycan, Türkiyə, Gürcüstan, Polşa və Ukraynadan olan mütəxəssislər canlı və onlayn məruzələrlə öz bilik və bacarıqlarını bölüşmüşlər.
Ə.Əliyev adına Ə.Əliyev adına Azərbaycan Dövlət Həkimləri Təkmilləşdirmə İnstitutunun mamalıq və ginekologiya kafedrasının müdiri professor Leyla Rzaquliyeva konqresin bir neçə panelində sədr kimi iştirak etmiş, kafedranın baş laborantı Günel Əfəndiyeva isə “Postpartum qanaxma: Medikamentoz aspektlər” adlı aktual mövzuya həsr olunmuş məruzə ilə çıxış etmişdir. Konqresdə mamalıq və ginekologiyanın aktual problemləri müzakirə olunmuş, qarşılıqlı əlaqələrin möhkəmləndirilməsi yolları araşdırılmışdır. Tədbir ölkə mütəxəssisləri tərəfindən maraqla qarşılanmışdır.

Hörmətli dostlar!

Azərbaycanın və keçmiş Sovet məkanının qocaman ali tibb təhsil müəssisələrindən biri olan institutun saytına xoş gəlmisiniz.

Bizim institut 80 ildir ki, milli səhiyyənin, ümumilikdə ali tibb təhsilinin inkişafını, həkimlərin ixtisaslaşma və təkmilləşdirməsini müvəffəqiyyətlə təmin edir. İnstitut həkimlərin tibb təhsilində biliklərinin yüksəlməsi, fundamental təbabətin yeni nailiyyətlərinə yiyələnməsi, kliniki təcrübəyə diaqnostikanın müasir üsullarını tətbiq etməsinə nail olmağı öz üzərinə vəzifə kimi götürür. Bunlar da XXI əsrdə inkişaf edən təbabət elminin ayrılmaz atributları sayılır. İnstitutun ilk rektorları professor V.A. Tarnoqradski, M.M. Əfəndiyev və B.A. Ağayev olmuşdur. İnstitutun dirçəlməsində akademik Əziz Əliyevin böyük rolu olmuşdur. Kollektivin vəsadəti ilə Nazirlər Kabinetinin qərarı əsasında 1962-ci ildən institut onun adını daşıyır. Bu müddətdə M. Məmmədov, M.X. Yaqubov, S.M. Qusman, İ.İ. Lukov, S.Q. Şteyn, N.M. İsrafilova, P.P. Popov, S.İ.Vəlixan və s. kimi Azərbaycan təbabətinin istedadlı, yüksək ixtisaslı həkim kollektivi formalaşmışdır.

Davamını oxu