“Meymun çiçəyi” infeksiyası mövzusunda vebinar keçirilmişdir

20.06.2022

Artıq dünyanın bir çox ölkələrindən “meymun çiçəyi” infeksiyasının yayılması haqqında məlumatlar gəlir. Avropa ölkələrində qeydə alınan “meymun çiçəyi” ilə bağlı vəziyyətlə əlaqədar isə Ümumdünya Səhiyyə Təşkilatı artıq ekspertlərin fövqəladə toplantısını çağırmış və həmin görüşdə xəstəliyin ötürülməsi yolları, eləcə də vaksinlərlə bağlı vəziyyət müzakirə edilmişdir. Qeyd edilmişdir ki, hələlik “meymun çiçəyi” epidemiyası ehtimalına dair heç bir dəlil yoxdur və hesab olunur ki, bu virusun insandan insana ötürülməsi onu insan populyasiyasında saxlamaq üçün kifayət etmir. Amma COVİD-19 infeksiyası ilə bağlı mənfi təcrübəni nəzərə alaraq indiki halda gələcək hadisələrə hazır olmaq səhiyyə təşkilatlarının birbaşa vəzifəsidir. Ölkəmizdə də bu çağırışlar eşidilib və həmin istiqamətdə işlər görülməyə başlanmışdır. Keçən həftə TƏBİB-in Azərbaycan Respublikası Səhiyyə Nazirliyi ilə əməkdaşlığı ilə Ə.Əliyev adına Azərbaycan Dövlət Həkimləri Təkmilləşdirmə institutunun yoluxucu xəstəliklər və mikrobiologiya və epidemiologiya kafedraları tərəfindən birgə keçirdikləri vebinarı da bu işlərin tərkib hissəsi saymaq olar. Vebinarda Səhiyyə Nazirliyinin eksperti, institutun yoluxucu xəstəliklər kafedrasının müdiri dosent Təyyar Eyvazov, mikrobiologiya və epidemiologiya kafedrasının müdiri Nigar Mütəlibova çıxış etmiş, xəstəliyin yayılma yolları, diaqnostikası, müalicəsi haqqında geniş məlumat vermişlər.
Vebinarda ölkəmizin müxtəlif səhiyyə müəssisələrində çalışan terapevt, pediatr, ailə həkimi, infeksionist, dermatoveneroloq və təcili tibbi yardım həkimləri iştirak etmışlər.




Hörmətli dostlar!
Azərbaycanın və keçmiş Sovet məkanının qocaman ali tibb təhsil müəssisələrindən biri olan institutun saytına xoş gəlmisiniz.

Bizim institut 80 ildir ki, milli səhiyyənin, ümumilikdə ali tibb təhsilinin inkişafını, həkimlərin ixtisaslaşma və təkmilləşdirməsini müvəffəqiyyətlə təmin edir. İnstitut həkimlərin tibb təhsilində biliklərinin yüksəlməsi, fundamental təbabətin yeni nailiyyətlərinə yiyələnməsi, kliniki təcrübəyə diaqnostikanın müasir üsullarını tətbiq etməsinə nail olmağı öz üzərinə vəzifə kimi götürür. Bunlar da XXI əsrdə inkişaf edən təbabət elminin ayrılmaz atributları sayılır. İnstitutun ilk rektorları professor V.A. Tarnoqradski, M.M. Əfəndiyev və B.A. Ağayev olmuşdur. İnstitutun dirçəlməsində akademik Əziz Əliyevin böyük rolu olmuşdur. Kollektivin vəsadəti ilə Nazirlər Kabinetinin qərarı əsasında 1962-ci ildən institut onun adını daşıyır. Bu müddətdə M. Məmmədov, M.X. Yaqubov, S.M. Qusman, İ.İ. Lukov, S.Q. Şteyn, N.M. İsrafilova, P.P. Popov, S.İ.Vəlixan və s. kimi Azərbaycan təbabətinin istedadlı, yüksək ixtisaslı həkim kollektivi formalaşmışdır.

Davamını oxu



ONLAYN JURNAL


"Tibb və Elm"
Əziz Əliyev adına elmi-praktiki jurnal.

Tibb sahəsinin bütün bölmələri üzrə orijinal məqalələr qəbul edilir.





Copyright © , Azərbaycan Respublikası Səhiyyə Nazirliyi
Əziz Əliyev adına Azərbaycan Dövlət Həkimləri Təkmilləşdirmə İnstitutu



Saytın hazırlanması: Proqres IPX