25 oktyabr 2025-ci ildə Bakı şəhərində “Bakı Retina-2025” beynəlxalq elmi konfransı keçirilmişdir. Konfrans Azərbaycan Respublikası Səhiyyə Nazirliyi və Azərbaycan Tibb Universitetinin tərəfdaşlığı ilə təşkil olunmuşdur. Oftalmologiyanın torlu qişa sahəsində ən son elmi yeniliklərinin və innovativ müalicə üsullarının müzakirə edildiyi bu elmi toplantı bu sahənin aparıcı mütəxəssislərini bir araya gətirmişdir. 11 ölkədən 21 spiker bu konfransda öz bilik və təcrübələrini bölüşdülər.
Açılış mərasimində Ə.Əliyev adına Azərbaycan Dövlət Həkimləri Təkmilləşdirmə İnstitutunun rektoru professor Nazim Pənahov da çıxış edərək tədbirin oftalmologiya sahəsində elmi bilik və təcrübə mübadiləsi üçün mühüm platforma olduğunu vurğuladı və iştirakçılara uğurlar arzuladı.
İnstitutumuzun oftalmologiya kafedrasının əməkdaşları və rezidentləri konfransda fəal iştirak etmişlər. Kafedranın dosenti t.e.d. Müşfiq Kərimov konfransda “Torlu qişa qopmasının residivlərinin cərrahi müalicəsi” mövzusunda məruzə ilə çıxış etmiş, ikinci sessiyada isə moderator olmuşdur. Tədbirdə oftalmologiya sahəsində fəaliyyət göstərən həkim və mütəxəssislər həm ən son elmi nailiyyətlərlə tanış oldular, həm də öz təcrübələrini bölüşərək gələcək fəaliyyətlərü üçün yeni biliklər əldə etdilər.