“Ümumdünya Piylənmə ilə Mübarizə Günü”nə həsr olunmuş beynəlxalq elmi konfrans keçirilmişdir

06.03.2022

05 mart 2022-ci il tarixində “Fairmont Baku” otelində “Ümumdünya Piylənmə ilə Mübarizə Günü”nə həsr olunmuş beynəlxalq elmi konfrans keçirilmişdir. Konfransda ÜST-nin nümayəndələri, ANDOP-un (Nutrisiologiya, Diyetologiya və Piylənmənin profilaktikası Akademiyası) təlimçiləri,Ə.Əliyev adına ADHTİ-nin və ATU-nun əməkdaşları iştirak etmişlər.Ə.Əliyev adına ADHTİ-nin terapiya kafedrasının dosenti Sədaqət Sultanova “Piylənmə, prediabet və şəkərli diabet” mövzusu ilə çıxış etmişdir. Məruzə piylənmə, prediabet və şəkərli diabetin geniş yayılması və sürətlə artması məsələlərinə həsr olunmuş idi. S.Sultanova kafedrada “Prediabetin skrininqi, diaqnostik meyarları və idarə olunması”na dair apardıqları elmi-tədqiqat işləri haqqında ətraflı məlumat vermiş, prediabetin skrininqi məqsədi ilə hazırlanan yeni sorğu anketini və müəyyən olunmuş diaqnostik meyarları təqdim etmişdir.

Hörmətli dostlar!

Azərbaycanın və keçmiş Sovet məkanının qocaman ali tibb təhsil müəssisələrindən biri olan institutun saytına xoş gəlmisiniz.

Bizim institut 80 ildir ki, milli səhiyyənin, ümumilikdə ali tibb təhsilinin inkişafını, həkimlərin ixtisaslaşma və təkmilləşdirməsini müvəffəqiyyətlə təmin edir. İnstitut həkimlərin tibb təhsilində biliklərinin yüksəlməsi, fundamental təbabətin yeni nailiyyətlərinə yiyələnməsi, kliniki təcrübəyə diaqnostikanın müasir üsullarını tətbiq etməsinə nail olmağı öz üzərinə vəzifə kimi götürür. Bunlar da XXI əsrdə inkişaf edən təbabət elminin ayrılmaz atributları sayılır. İnstitutun ilk rektorları professor V.A. Tarnoqradski, M.M. Əfəndiyev və B.A. Ağayev olmuşdur. İnstitutun dirçəlməsində akademik Əziz Əliyevin böyük rolu olmuşdur. Kollektivin vəsadəti ilə Nazirlər Kabinetinin qərarı əsasında 1962-ci ildən institut onun adını daşıyır. Bu müddətdə M. Məmmədov, M.X. Yaqubov, S.M. Qusman, İ.İ. Lukov, S.Q. Şteyn, N.M. İsrafilova, P.P. Popov, S.İ.Vəlixan və s. kimi Azərbaycan təbabətinin istedadlı, yüksək ixtisaslı həkim kollektivi formalaşmışdır.

Davamını oxu